Эссе ** тему "Қазақстан жолы-2050: бір мақсат, бір мүдде, бір болашақ".

Эссе на тему "Қазақстан жолы-2050: бір мақсат, бір мүдде, бір болашақ".

Қазақстан жолы – 2050: Бір мақсат, бір мүдде, бір болашақ.

     Елбасының «Қазақстан жолы – 2050: бір мақсат, бір мүдде, бір болашақ» атты жолдауы бойынша Президенттің жалпыұлттық идеясы – болашақ табыстардың негізі екені баса айтылды. Ал ең бастысы – еліміздің рухын көтеретін, ұлы мақсаттарға жеткізетін «Мәңгілік ел» ұлттық идеясы жарияланды. «Мәңгілік ел» идеясы – еліміздің өз мақсатына талай дәуір сынынан сүріндірмей жеткізетін тұғырлы идея. Осының барлығы дамыған 30 елдің қатарына кіруімізге жаңа серпін беретіні сөзсіз.

Елбасы өз жолдауында білім саласы қызметкерлерінің алдына үлкен міндеттер қойды. «Ұлттық білім берудің барлық буынының сапасын жақсартуда бізді ауқымды жұмыс күтіп тұр. 2020 жылға қарай Қазақстандағы 3 – 6 жас аралығындағы балаларды мектепке дейінгі біліммен 100 пайыз қамту жоспарлануда. Сондықтан оларға заманауи бағдарламалар мен оқыту әдістемелерін, білікті мамандар ұсыну маңызды».

Осыған орай, үлкен жауапкершілік жүктеліп отырған мұғалімдерге жаңашылдықпен жұмыс жасауға тура келеді.

Мен Елбасының «Дипломмен ауылға» бағдарламасы бойынша, білім беру саласына өз үлесімді қосып жүрген жас маманмын. Бұл бағдарламада елбасымыз Отанымыздың ұлы мұратқа жету жолындағы жастардың рөлі зор екенін айшықтап берді. Бұл жастар қауымының еліміз еркіндік алғалы бергі елді дамытуды көздеген алғашқы қарқынды қадамы болмақ. Тәуелсіз Қазақстанның жаңа тарихында жастардың ойып тұрып орын алуына тамаша мүмкіндік. Ұлт Көшбасшысының дұрыс бағыт – бағдар беруі нағыз заңғар тұлғаның болашаққа нық қарайтын салиқалы, көреген адамның ұлылығы деп түсінемін.

Ауыл қайнаған тіршіліктің ортасы, сезіне, түсіне білген адамға үлкен мектеп Мен ауыл мектебінде жұмыс жасаймын және ауыл балаларының рухани дәрежесін көтеру, білімді етіп тәрбиелеу мақсатында еңбек етудің зор жауапкершілік екенін сезінемін.«Жас мамандар» мектебінде болып, тәжірибелі ұстаздардан тәлім-тәрбие алып, мектепте өткен әртүрлі сайыстарға қатысып, өзімнің шеберлігімді шыңдадым. Атап айтсам, «Әр сабақ-бір жаңалық» тақырыбымен өткен онкүндікте 1-сыныпта өткізген әдіс алмасу сабағым әріптестер арасында зор ықыласықа ие болды.

Қорыта айтқанда: бүгінгі таңда білім саласында қызмет ететін әрбір педагог жаңару үдерісін жатырқамай қарсы алып, өзінің іс-тәжірибесіне енгізуі керек.

Ойы жүйрік, ақылы жетік, бәсекеге қабілетті, өзгерістерге бейім жеке тұлғаны тек қана жаңа тұрпатты педагог қана қалыптастыра алады деп ойлаймын.

Елбасы аса көрегенділікпен, жастарды қолдады, сенім артты, жастар үшін «Қазақстан – 2050» стратегиясын жасады.

Біз жастар - қашанда ел көшін алға бастауда, Елбасымен біргеміз! Жастар болашаққа бастайтын ең басты күш екені – бізді алға ұмтылдырады. Биылғы жолдауда жастарға зор сенім артылды, сенімнен шығу жолында аянбай еңбек ететін боламыз. Мәңгілік елмен бірге – жарқын болашаққа бірге қадам басайық!